Elmo ban Panemo

Elmo Daddiya Panemo

Tera' e Pettenganna

Baja laggu, Man Dirman ampon siap mangkat ka partelon, kannengan biasana apol-kompol ban sa kanca'an. Kabiasa'an ngopi e barung, lakar ampon daddi budaja oreng Madura. Dari konco'na disa ban kampong sampe' ka rammina kotta.
Kabiasaan se ampon daddi budaja e Madura panika, kantos samangken gi' paggun e jalani. Dari se seppo se lakar biasa ngopi tor se anom se noro' pato. Ngopi panika ta' oning ka seppo anom otaba towa nguda. Ngopi lakar kobessa sanajjan acem-macem kabada'anna manussa.
"Man, ba'na gella' la ya dapa'...?" Man Dirman atanya ka Man Sa'man.
"Enja' keya Dir, gi' bhuru dapa' reya." Jawab Man Sa'man.
"Ooo, majuh enom lu kopina..." Oca'na Man Dirman.
Kopi panas sa cangker etotta' ka lepe'an. Biasana ta' langsung e enom mon panas. Cara se nyaman, etotta' ka lepe'an bhuru e enom kopina. Man Dirman ban Man Sa'man ma kobessa onggu nginom kopi e barung kopi partelon.
"Man... Bada ca'-oca'an e dalem pangataoan, ya areya bada elmo ban bada panemo. Baramma maksodna jiah Man...!" Man Dirman a tanya.
"Oooo... Jiah lakar bada Dir..." Jawab Man Sa'man.
"Baramma Man, mara jellasagi!" Man Dirman panasaran.
"Elmo reya, Dir... Se esare ban se eajarin e man-dimman tempat. Enga' e sakola'an, ponduk, majlis-majlis, ban laenna. Mon panemo reya Dir, tada' sakola'na ban tada' formalla sakale." Man Sa'man ajellasagi.
"Teros, contona baramma, Man....!?" Man Dirman a tanya pole.
"Contona gampang Dir... Mon elmo reya kenneng sare e sakola'an ban kannengan laenna sampe ka jauna. Mon panemo reya pada ban se e koca' langsung dari langngi'. Contona, a sakola reya nyare elmo sopaja penter. Mon panemo reya, cokop onggu-onggu abakte ka guru ban oreng toa." Man Sa'man ajellasagi.
"Ngko' gi' korang faham, Man...!" Man Dirman paggun ta' faham.
"Enga' reya, Dir... Ba'na tao maca ban noles polana ajar maca ban noles. Teros, ba'na perna eding otaba tao careta. Bada mored se gun abakte ka guruna kalaban aberseyan ban nyapoen dalemma guruna sabban are. Mored jiah ta' tao pan-apan otaba e koca' bhuduh. Tape, karena mored jiah abakte ban ikhlas aberseyan ban nyapoen dalemma guruna sabban are ta' tobang sakale. Saellana mored jiah mole ka romana, mored jiah pas penter alebbiyan ban se asakola.." Man Sa'man majelas ban contona.
"Ooo iya onggu, Man..."
Ternyata, elmo panika gampang e ka olle. Tape, mon panemo malarat e ka olle. Daddi elmo belun tanto daddi panemo. Tape, mon panemo paste daddi elmo. Samangken, kadinapa elmo bisa daddiya panemo, asabab panemo panika jelas ampon elmo.
Lebbi rengkessa, panemo panika sami jugan  sareng barokah. Bila elmo ampon e ka olle, kadiponapa panemo jugan e ka olle.
Akherra Man Dirman faham ka ca'-oca'an elmo ban panemo. (Ack)

Komentar

Posting Komentar

Postingan populer dari blog ini

Barung Kopi

Gambar
Man Dirman Ngopi Man Dirman panika oreng Madura paleng temor, enggi ka'dinto kotta Songennep. Oreng-oreng biasa nyebbut Man Dirman, asabab kabiasaan oreng Madura manabi nyebbut nyamana otaba asmana oreng ka se aseppowan. Sebbutan Man, biasana banni nyama daging, namung nyama potrana. Man Dirman aghandu' arte eppa'na Dirman. Saengghana esebbut otaba eolok Man Dirman. Dalem tolesan panika, sobung se oneng pasera asma aslina Man Dirman. Sanajjan se noles tolesan panika ta' oning jugan. Intina, Man Dirman panika daddi tokoh otama dalam tolesan e blog Damar Talpe'. E settong bakto, Man Dirman ngopi e barungnga Sirbhati e partelon. E dalem barung ampon rammi oreng se ngopi. Bada se seppo tor bada se anom. Sambi ngopi sambi a careta kabada'an odi' e dunnya. Bada tokang beca', oreng tani, oreng alako, pongghaba, ban laen epon. Kopi sa cangker arghana duebu ropeya. Arassa kobessa kopi asanding ban roko'na. Etambai ban guringan se anga'. Bun Sirbhati se an...
Baca selengkapnya

Buku ban Ketab

Gambar
Oca' ban Tengka Koleksi Buku Dalem kaodi'an e dunnya, biasana ta' lopot dari pan-saponapan se ejarba'agi dalem buku ban ketab. Buku ban ketab aropa tolesan se agandu' arte tor makna ka angguy sadajana manussa. Buku ban ketab aesse pangajaran se aropa elmo pangaonengan. Buku biasana bannya' ebahas e sakola'an-sakola'an ban kannengan pendidikan. Seddengan ketab, bannya' e madrasah-madrasah, ponduk, pangajian, kompolan, ban sa macemma. Man Dirman ban Man Sa'man se biasa ngopi e barungnga Bun Sirbhati e partelon kampong, kateppa'an abahas masalah buku ban ketab. Menorot se kaduwa, buku ban ketab ta' pada ban laen pamahaman. "Man, ba'na lamba' bakto a sakola, lebur ka buku apa...!" Can Man Dirman. "Mon Ngko', Dir... Lamba' lebur ban senneng ka buku careta." Jawab Man Sa'man. "Berarti, ta' lebur ka buku pangajaran sakale, Man!" Atanya pole Man Dirman. "Banni enga' jia, Dir... Keng n...
Baca selengkapnya