Barung Kopi

Man Dirman Ngopi


Man Dirman panika oreng Madura paleng temor, enggi ka'dinto kotta Songennep. Oreng-oreng biasa nyebbut Man Dirman, asabab kabiasaan oreng Madura manabi nyebbut nyamana otaba asmana oreng ka se aseppowan.
Sebbutan Man, biasana banni nyama daging, namung nyama potrana. Man Dirman aghandu' arte eppa'na Dirman. Saengghana esebbut otaba eolok Man Dirman.
Dalem tolesan panika, sobung se oneng pasera asma aslina Man Dirman. Sanajjan se noles tolesan panika ta' oning jugan. Intina, Man Dirman panika daddi tokoh otama dalam tolesan e blog Damar Talpe'.
E settong bakto, Man Dirman ngopi e barungnga Sirbhati e partelon. E dalem barung ampon rammi oreng se ngopi. Bada se seppo tor bada se anom. Sambi ngopi sambi a careta kabada'an odi' e dunnya.
Bada tokang beca', oreng tani, oreng alako, pongghaba, ban laen epon. Kopi sa cangker arghana duebu ropeya. Arassa kobessa kopi asanding ban roko'na. Etambai ban guringan se anga'.
Bun Sirbhati se andi' barung kopi, lakar kalonta e kampongnga Man Dirman. Kopina asli etoto banni kopi dari pabrik. Pa pae'ma kopi ro'om mon esangngar ban etoto. Oreng-oreng kampong ban loar kampong bannya' daddi langganan barungnga Bun Sirbhati.
Man Dirman toju' e patthu apolong ban Man Sa'man. Man Sa'man cora'na masepa' toju'na sambi nyolet roko' peselan. Man Dirman ta' enda' kala, e pa kaloar keya roko' peselanna.
"Cora' alos roko'na dhika Man...?"
"Baa iya Dir, aniko roko' larang sanajjan peselan."
"Oddi, bula nyoba'a Man..." Man Dirman ngampong roko'na Man Sa'man.
"Rassaen lajuh Dir, tenggu pas, daggi' dhika katagiyan ka tang bhako." Man Sa'man ma mantep polana roko'na se larang.
"Dir, dhika tao, e Songennep niko kannenganna bhako mapan. Malarat se nemmowa e Jaba. Se paleng mapan niko bhako Bakeong e Luk-Guluk." Man Sa'man a careta.
"Enggi onggu, Man... Kobessa rassana."
"Dir, mon bhako nyaman ban mapan, sanajjan larang paggun ebelli ban oreng. Mon bhako se da-muda rowa bada pae'na ban korang essip rassana."
Ta' e ka rassa, ju'-toju' e barung kopi ta' temmo baktona. Apapole se e ka cator barang bisnis ban masalana manussa. Kopi sa cangker, toju'na dapa' tello jam. Lakar dari sa cangker, barung kopi bisa olle ontong sa amper. (Ack)

Komentar

Posting Komentar

Postingan populer dari blog ini

Buku ban Ketab

Gambar
Oca' ban Tengka Koleksi Buku Dalem kaodi'an e dunnya, biasana ta' lopot dari pan-saponapan se ejarba'agi dalem buku ban ketab. Buku ban ketab aropa tolesan se agandu' arte tor makna ka angguy sadajana manussa. Buku ban ketab aesse pangajaran se aropa elmo pangaonengan. Buku biasana bannya' ebahas e sakola'an-sakola'an ban kannengan pendidikan. Seddengan ketab, bannya' e madrasah-madrasah, ponduk, pangajian, kompolan, ban sa macemma. Man Dirman ban Man Sa'man se biasa ngopi e barungnga Bun Sirbhati e partelon kampong, kateppa'an abahas masalah buku ban ketab. Menorot se kaduwa, buku ban ketab ta' pada ban laen pamahaman. "Man, ba'na lamba' bakto a sakola, lebur ka buku apa...!" Can Man Dirman. "Mon Ngko', Dir... Lamba' lebur ban senneng ka buku careta." Jawab Man Sa'man. "Berarti, ta' lebur ka buku pangajaran sakale, Man!" Atanya pole Man Dirman. "Banni enga' jia, Dir... Keng n...
Baca selengkapnya

Elmo ban Panemo

Gambar
Elmo Daddiya Panemo Tera' e Pettenganna Baja laggu, Man Dirman ampon siap mangkat ka partelon, kannengan biasana apol-kompol ban sa kanca'an. Kabiasa'an ngopi e barung, lakar ampon daddi budaja oreng Madura. Dari konco'na disa ban kampong sampe' ka rammina kotta. Kabiasaan se ampon daddi budaja e Madura panika, kantos samangken gi' paggun e jalani. Dari se seppo se lakar biasa ngopi tor se anom se noro' pato. Ngopi panika ta' oning ka seppo anom otaba towa nguda. Ngopi lakar kobessa sanajjan acem-macem kabada'anna manussa. "Man, ba'na gella' la ya dapa'...?" Man Dirman atanya ka Man Sa'man. "Enja' keya Dir, gi' bhuru dapa' reya." Jawab Man Sa'man. "Ooo, majuh enom lu kopina..." Oca'na Man Dirman. Kopi panas sa cangker etotta' ka lepe'an. Biasana ta' langsung e enom mon panas. Cara se nyaman, etotta' ka lepe'an bhuru e enom kopina. Man Dirman ban Man Sa'man ma ko...
Baca selengkapnya